Ætlar að passa að eiginmaðurinn eyði ekki vinningnum aftur

Það voru tíu heppnir aðilar sem fengu símhringingu frá Happdrætti Háskóla Íslands í dag og tilkynnt að þeir hefðu unnið eina milljón króna. Hringt var í vinningshafana strax eftir útdrátt eða klukkan hálf fimm.

Í tilkynningu frá Happdrætti Háskólans segir að kona „á besta aldri" hafi unnið annan veglegan vinning fyrr á árinu hjá Happadrættinu. Hún sagðist ætla að halda betur utan um þennan, því eiginmaður sinn hefði eytt öllum hinum fyrri. Annar vinningshafi, kona á níræðisaldri, hafði einnig unnið á miðann sinn í síðasta drætti. Þá vann hún 15 þúsund krónur og segir í tilkynningunni að það hljóti að teljast töluverð heppni, að vinna tvisvar í röð.

Á fyrstu níu mánuðum ársins, hafa verið dregnar út 90, einnar milljónavinningar til jafnmargrar miðaeigenda. Samtals hefur Happadrættið þó greitt út um 640 milljónir til þúsunda vinningshafa það sem af er árinu.