Innlent

Leyfa útsýnispall sem má ekki sjást

Hættuleg einstigi sem leiða fram á klettanibbur skapa hættu við Skógafoss segir sveitarstjórn Rangárþings eystra sem ætlar að byggja þrjátíu til fjörutíu manna útsýnispall ofan við fossinn. Fréttablaðið/Pjetur
Hættuleg einstigi sem leiða fram á klettanibbur skapa hættu við Skógafoss segir sveitarstjórn Rangárþings eystra sem ætlar að byggja þrjátíu til fjörutíu manna útsýnispall ofan við fossinn. Fréttablaðið/Pjetur
Rangárþing eystra hyggst setja upp útsýnispall ofan og austan við Skógafoss. Jafnframt á að koma fyrir göngutröppu við Seljalandsfoss.

„Gróðurfar hefur látið stórlega á sjá á undanförnum árum og með útsýnispallinum skal reynt að draga úr þeirri þróun um leið og ferðamönnum er gefið einstakt tækifæri til þess að upplifa þennan foss ofan frá. Um leið er dregið úr þeirri hættu sem í dag stafar frá svæðinu og þá fyrst og fremst frá einstigum sem leiða fram á klettanibbur við fossinn,“ segir í umsókn Rangárþings eystra til Umhverfisstofnunar.

Útsýnispallurinn á að rúma þrjátíu til fjörtíu manns og snúa þannig að hann sé í hvarfi þegar horft er á Skógafoss neðan frá. Umhverfisstofnun samþykkti pallinn með þessu skilyrði. Að auki á pallurinn að vera þannig að hægt sé að fjarlægja hann án sýnilegra ummerkja.

Sveitarfélagið vill einnig setja upp göngutröppu við Seljalandsfoss. Afgreiðsla þess erindis hefur ekki borist sveitarstjórninni. Trappan á að draga úr slysahættu.

- gar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið