Útilokar flata leiðréttingu

Talsmaður neytenda kallar eftir kynslóðasáttmála til að leiðrétta íbúðalán almennings. Hann segir lífeyrissjóðina eins og hverja aðra kröfuhafa, sem þurfi að deila tjóninu af fjármálakreppunni með skuldurum. Verðtryggð lán hafa hækkað um eða yfir fimmtíu prósent - síðan bankarnir fóru að veita húsnæðislán fyrir sex árum.

Helgi Hjörvar, formaður efnahags- og skattanefndar Alþingis segir hundrað milljarða króna svigrúm til að leiðrétta húsnæðislán heimilanna. Það er þvert á það sem flokkssystkini hans í ríkisstjórn segja, sem telja flata leiðréttingu lána of dýra. Helgi rökstyður mál sitt að hluta með því að lífeyrissjóðirnir hafi nýverið hagnast um á þriðja tug milljarða með kaupum á skuldabréfapakka með íslenskum íbúðabréfum. Eðlilegt sé að hagnaðurinn renni til að leiðrétta húsnæðislán hjá lífeyrissjóðunum.

Það finnst talsmanni lífeyrissjóða ekki - og útilokar flata leiðréttingu.