Sérsveitin send út 300 sinnum í fyrra

Sérsveit Ríkislögreglustjóra var send út 293 sinnum í fyrra. Hún var oftast send út í janúar, eða 45 sinnum en næstoftast í ágúst eða 41 sinni. Þetta kemur fram í skýrslu Ríkislögreglustjóra um ofbeldi gagnvart lögreglumönnum.

Þar kemur fram að algengt sé að vaktbifreið sérsveitar sé send, ásamt lögreglumönnum á höfuðborgarsvæðinu, á vettvang þar sem grunur er um ofbeldismál. Tilgangur veru sérsveitar á vettvangi sé að auka öryggi og öryggistilfinningu annarra lögreglumanna. Flest tilfellin eru vegna slagsmála í miðbænum.