Borgarstjórinn í bleikum jakkafötum

Krabbameinsfélagið hvetur fólk til að klæðast bleiku á morgun til að sýna samstöðu í baráttunni gegn krabbameini hjá konum. Krabbameinsfélagið gaf Jóni Gnarr borgarstjóra bleik jakkaföt í tilefni dagsins en þau voru sérsniðin á hann af Berglindi Magnúsdóttur í Klæðskerahöllinni og hyggst hann skarta þeim á bleika deginum.

Laila Sæunn Pétursdóttir, markaðsstjóri Krabbameinsfélagsins, segist hafa fengið mjög góð´viðbrögð við bleika þemanum.

„Við höfum nú þegar heyrt af nokkrum vinnustöðum sem ætla að leika sér svolítið með bleika daginn og keppa um flottasta dressið og bestu bleiku deildarnar," segir hún.

Laila hvetur fólk til að senda Krabbameinsfélaginu skemmtilegar bleikar myndir af vinahópnum eða vinnufélögunum á netfangið laila@krabb.is sem síðan verða settar á vefsíður félagsins, www.krabb.is og www.facebook.com/bleikaslaufan .