Demi afbrýðissöm út af Kim Kardashian

Leikkonan Demi Moore ku vera afskaplega öfundsjúk út í samband eiginmanns síns, Ashton Kutcher, og raunveruleikastjörnunnar Kim Kardashian. Þessi öfundsýki á einnig að vera kveikjan að erjum þeirra tveggja á samskiptavefnum Twitter, en Moore gagnrýndi Kardashian fyrir að nota orðið „pimpin", sem á við melludólg.

Kutcher er mikill aðdáandi þáttanna Keeping Up With The Kardashians og talar mikið um hvað honum finnist Kim skemmtileg og gáfuð, en þau hafa unnið saman að framleiðslu ýmissa sjónvarpsþátta. „Demi er enn svolítið óörugg með aldursmuninn á milli hennar og Ashtons og er öfundsjúk út í samband hans og Kim," segir ónefndur heimildarmaður.