Undir meðaltali OECD-ríkjanna

Atvinnuleysi hér á landi var 0,8 prósentustigum undir meðaltali aðildarríkja Efnahags- og framfarastofnunarinnar, OECD, í nóvember síðastliðnum. Stofnunin birti sínar nýjustu tölur fyrir skömmu.

Meðaltal OECD stóð í stað milli mánaða og var 8,8 prósent í nóvember, en hér hafði atvinnuleysi aukist um 5,3 prósent frá fyrra mánuði og var 8,0 prósent.

Atvinnuleysi í evrulöndunum mælist hins vegar á sama tíma 10,0 prósent, 0,1 prósentustigi hærra en í október.

Fram kemur í tilkynningu OECD að nýjustu tölur frá Bandaríkjunum og Kanada sýni að þar standi atvinnuleysi í stað, hafi mælst 10,0 og 8,5 prósent í desember. - óká