Social Network best

Kvikmyndin The Social Network, sem fjallar um upphaf Facebook-síðunnar, hefur verið kjörin besta mynd ársins af gagnrýnendasamtökum Los Angeles. Leikstjóri myndarinnar, David Fincher, var kjörinn besti leikstjórinn ásamt Olivier Assayas sem átti bestu erlendu myndina, Carlos. Handritshöfundur The Social Network, Aaron Sorkin, var einnig verðlaunaður auk þess sem tónlistin í myndinni var kjörin sú besta, ásamt tónlistinni í The Ghost Writer.

Colin Firth var valinn besti leikarinn fyrir hlutverk sitt í The King"s Speech og Kim Hye-ja besta leikkonan fyrir hlutverk sitt í hinni suðurkóresku Mother.

Í gær var einnig tilkynnt um tilnefningar til Critics Choice-gagnrýnendaverðlaunanna. Þar hlaut ballettmynd Natalie Portman, Black Swan, tólf tilnefningar. Næstar á eftir komu Coen-myndin True Grit og The King"s Speech með ellefu tilnefningar.