Samþykki eins foreldris nægir

Lækni er heimilt að miðla til félagsmálayfirvalda upplýsingum úr sjúkraskrá barns með samþykki annars foreldris. Þetta kemur fram í svari Persónuverndar við almennri fyrirspurn.

Í svari Persónuverndar kemur fram að almennt nægi samþykki annars forsjárforeldris barns fyrir nauðsynlegum ákvörðunum, það er ef hitt foreldrið er hindrað í að sinna forsjárskyldum sínum.

Um leið kemur fram að sé þess unnt að bíða með ákvörðun þá skuli það gert fram til þess tíma að foreldrið sé ekki lengur hindrað í að sinna forsjárskyldum sínum. - óká