Hyggja ekki á frama í pólitík

Hvorki Ragna Árnadóttir né Gylfi Magnússon sem létu af ráðherraembætti dag hyggja á frama í pólitík. Gylfi og Ragna settust í ráðherrastól þegar minnihlutastjórn Vinstri grænna og samfylkingarinnar var mynduð í byrjun síðasta árs. Þau gegndu því ráðherraembætti í tæpa 19 mánuði.

„Nei þetta er búið að vera alveg frábær tími og brjálað að gera og ég kann vel við mig þannig. Þannig að ég horfi bara með hlýju til þessa tíma," segir Ragna aðspurð hvort að um erfiðan tíma hafi verið að ræða.

Spurð hvað taki við og hvort hún hafi hug á að starfa áfram innan stjórnsýslunnar segir Ragna: „Ég hef ekki hugmynd um það. Ég veit bara ekkert hvað ég ætla að fara að gera. Ég ætla að aðeins að fá að hugsa málið.

Ragna segir ekki koma til greina að fara í pólitík. „Það er það eina sem ég veit sem ég ætla ekki að fara að gera. Allt annað er óráðið.

„Það er ekkert annað í kortunum en að snúa aftur upp í Háskóla. Ég var í launalausa leyfi þaðan og geri fastlega ráð fyrir því að vera mjög fljótlega vera kominn aftur þangað," segir Gylfi.

Gylfi. segir nánast útilokað að hann fari í pólítík. „Það er alls ekki kortunum núna. Ég tel það nánast útilokað. Það er alla vega alveg örugglega ekki stefnan."