Gerir ekki lengur kröfu um arf Fischers

Aðild Marilyn Felonia Young að máli vegna arfs eftir skákmeistarann Bobby Fischer hefur verið felld niður. Young gerði kröfu í arfinn fyrir hönd dóttur sinnar, Jinky Young, sem hún sagði að væri dóttir Fischers. Niðurstöður DNA-rannsókna í haust leiddu hins vegar í ljós að svo var ekki.

Eftir stendur mál Miyoko Watai, sem segist hafa gifst Fischer í Japan um tveimur árum fyrir andlát hans, gegn bræðrunum Alexander Gary og Nicholas William Targ, systursonum Fischers, sem segjast vera nánustu ættingjar hans og gera tilkall til arfsins.