Fyrrverandi dómsmálaráðherra vill verða ráðuneytisstjóri

Alls hafa 87 umsóknir borist um embætti ráðuneytisstjóra nýs velferðarráðuneytis, sem verður til 1. janúar 2011 með sameiningu heilbrigðisráðuneytisins og félags- og tryggingamálaráðuneytisins.

Meðal umsækjanda er Ragna Árnadóttir, lögfræðingur, en hún var dómsmálaráðherra þar til í lok sumars. Áður starfaði hún sem ráðuneytisstjóri dómsmálaráðuneytisins.

Aðrir sem sóttu um eru Dögg Pálsdóttir, lögfræðingur og Bolli Þór Bollason, sem var ráðuneytisstjóri í forsætisráðuneytinu.

Bolli var fyrst skipaður skrifstofustjóri efnahagsskrifstofu fjármálaráðuneytisins árið 1987. Árið 2004 var hann skipaður ráðuneytisstjóri forsætisráðuneytisins.

Bolli snéri aldrei aftur í forsætisráðuneytið heldur hóf hann störf í félags- og tryggingamálaráðuneytinu.