Eygló spyr um fjárfestingar lífeyrissjóða

Eygló Harðardóttir, þingmaður Framsóknarflokksins, hefur lagt fram fyrirspurn til fjármálaráðherra um fjárfestingar lífeyrissjóða. Hún spyr hvernig fjárfesting sextán lífeyrissjóða í Framtakssjóði Íslands samræmist lögum um fjárfestingar lífeyrissjóða og óskar eftir skriflegu svari frá Steingrími J. Sigfússyni. Fyrirspurnina lagði hún fram á Alþingi í gær.

Gagnrýnt hefur verið að Framtakssjóðurinn hafi samið um kaup á Vestia af Landsbankanum fyrir 19,5 milljarða þegar sjóðurinn mun hafa um 30 milljarða til að fjárfesta næstu þrjú árin.

Meðal annarra hefur stjórn Félags vélstjóra og málmtæknimanna furðu sinni á fjárfestingunum og telur það skaða sjóðinn að tengjast bönkum.