Vill börnin sín frá Haítí

Ung kona frá Haítí sem búsett er hér á landi vinnur að því að fá móður sína og börn til landsins en þau hafa verið á götunni eftir jarðskjálftann þar í landi. Stjórnvöld áætla að flytja um tuttugu Haítíbúa hingað til lands en kostnaðurinn við verkefnið er allt að áttatíu milljónir.

Nú er rætt um að allt að tuttugu einstaklingar fái að koma. En það eru allt foreldrar og börn haítískra einstaklinga sem þegar búa hér á landi.

Gert er ráð fyrir stjórnvöld greiði fyrir flugið hingað til lands og sjái fyrir húsnæði, framfærslu og íslenskukennslu til að byrja með. Kostnaðurinn við þetta er áætlaður allt að 4 milljónir á einstakling.

Heildarkostnaður ríkisins vegna þessa gæti því slagað upp í 80 milljónir á þessu ári.

Ein þeirra sem mun sameinast fjölskyldu meðlimum sínum gangi þessar áætlanir eftir er Marie. Hún hefur búið með dóttur sinni á íslandi í 2 ár og fylgdist skelfingu lostin með fréttum af hamförum á hennar heimaslóðum. Þar á hún tvö börn til viðbótar og bróðir og móður.

„Fjölskyldan mín býr enn á götunni eftir jarðskjálftann," segir Marie en fjölskyldan missti allt í hamförunum.

Ef allt gengur eftir eru fjölskyldan á leið til íslands. Það gæti skipt sköpum

„Ég verð mjög ánægð ef þau komast hingað því þau lifa á götunni og eru allslaus," segir Marie sem saknar fjölskyldu sinnar.