Ný plata R.E.M. tilbúin

Meðlimir R.E.M. hafa tilkynnt að þeir hafa lokið upptökum á næstu plötu sinni. Platan hefur enn ekki fengið nafn en ráðgert er að hún komi út næsta vor.

Upptökustjóri plötunnar var Jacknife Lee sem þekktur er fyrir vinnu sína með böndum á borð við Kasabian, Editors og Snow Patrol. Platan var tekin upp í Music Shed í New Orleans og Hansa-hljóðverinu í Berlín en þar tók David Bowie upp Heroes og U2 tók upp Achtung Baby. Þá var líka tekið upp í Nashville.

Þessi plata verður fimmtánda hljóðversplata R.E.M. Sú síðasta, Accelerate, kom út árið 2008 en þá var Jacknife Lee einnig við stjórnvölinn.