Íslendingur vann í Víkingalottó

Íslendingur vann í Víkingalottói en deilir vinningsfénu með tveimur öðrum lottóspilurum sem keyptu sína miða í Finnlandi og Noregi. Allir fengu þeir ríflega 44 milljónir króna.

Miðinn hér á landi var nánar tiltekið seldur í Skeljungi við Skagabraut á Akranesi á laugardaginn. Vinningsmiðinn er 10 raða sjálfvalsmiði með Jóker.

Þetta er í 16. skipti sem fyrsti vinningur í Víkingalottóinu kemur til Íslands en þann 11. nóvember á síðasta ári vann heppin fjölskylda á höfuðborgarsvæðinu rúmlega 107 milljónir.

Íslensk getspá óskar vinningshafanum til hamingju samkvæmt tilkynningu sem þeir sendu frá sér fyrir stundu.