TF-Líf á flugi yfir Smáralind

Í framhaldi af 112 deginum sem haldinn var á fimmtudaginn var munu fulltrúar frá Landsbjörgu, lögreglu og Neyðarlínunni verða með kynningu á starfsemi sinni í Smáralindinni í dag. Þar verður ýmislegt til sýnis og gefst fólki til dæmis kostur á að skoða lögreglubíla og mótorhjól.

Rúsínan í pylsuendanum verður svo þegar TF-Líf þyrla Landhelgisgæslunnar mætir í Smáralindina og mun fljúga um svæðið, meðal annars í grennd við Smáraturn, hæsta hús landsins. Þyrlan hefur sig til flugs klukkan þrjú og skömmu síðar má búast við henni í Smáralindina.