Flest stöðugildi í utanríkisráðuneytinu

Alls voru 511,2 stöðugildi á aðalskrifstofum ráðuneytanna í árslok 2009. Þeim hafði þá fjölgað um átta frá því árinu áður. Flestir eða tæplega 90 störfuðu í utanríkisráðuneytinu í árslok 2009. Næstflest stöðugildi voru í fjármálaráðuneytinu og mennta- og menningarmálaráðuneytinu eða 70. Á sama tíma voru 20 stöðugildi í iðnaðarráðuneytinu og 20,6 í efnahags- og viðskiptaráðuneytinu.

Þetta kemur fram í svari fjármálaráðherra við fyrirspurn Kristjáns Þórs Júlíussonar, þingmanns Sjálfstæðisflokks. Hann spurði um tímabilið 1995 til 2009.

425,5 stöðugildi voru á aðalskrifstofum ráðuneytanna árið 1995. Flest voru þau árið 2005 þegar þau voru 582,3. Tveimur árum síðar voru stöðugildin 570 talsins.

Svar fjármálaráðherra er hægt að skoða hér.