Dæmdur fyrir kynferðisbrot gegn ungum skátum

Ungur karlmaður var dæmdur í síðustu viku fyrir kynferðisbrot gegn tveimur drengjum í skátunum. Sjálfur var maðurinn, sem var sautján ára þegar hann framdi brotin, leiðeinandi á námskeiði í skátunum.

Hann var sakfelldur fyrir að káfað innan klæða á rassi og getnaðarlim sjö ára drengs og að hafa káfað innanklæða á átta ára dreng í Skátunum.

Skátasamband Reykjavíkur tilkynnti atvikið til Barnaverndaryfirvalda í maí á síðasta ári eftir að foreldrar drengjanna greindu frá ásökununum.

Fram kom í bréfinu sem Skátasamabandið sendi Barnaverndaryfirvöldumað ungi maðurinn hefði áreitt drengina á námskeði á vegum skátanna.

Í bréfi Barnaverndar kemur og fram að annar drengurinn hafi í könnunarviðtali í Barnahúsi lýst atburðinum þannig að hann og vinur hans hafi einn daginn verið að leika sér í tölvu á námskeiðinu þegar leiðbeinandinn hafi byrjað að kitla hann, fyrst á líkamann en síðan farið inn á buxurnar og kitlað rassinn og typpið.

Ungi maðurinn á þá að hafa sagt „þú ert með standpínu" og síðan bætt við „mér finnst það ekkert ógeðslegt".

Á meðan á þessu stóð hafi vinur hans verið í tölvunni. Eftir atvikið hafi vinirnir rætt saman og vinurinn þá sagt frá því að það sama hefði verið gert við hann.

Leiðbeinandinn neitaði alfarið sök. Dómurum þótti hinsvegar framburður drengjanna trúverðugur. Var maðurinn því dæmdur í sex mánaða skilorðsbundið fangelsi til tveggja ára.