Innlent

Hæstiréttur sammála héraðsdómi - Rannsókn á Baldri haldið áfram

Baldur Guðlaugsson.
Baldur Guðlaugsson.

Hæstiréttur Íslands staðfesti úrskurð Héraðsdóms Reykjavíkur þar sem því var hafnað að vísa frá rannsókn sérstaks saksóknara á málefnum Baldur Guðlaugssonar, fyrrum ráðuneytisstjóra fjármálaráðuneytisins, vegna meintra innherjasvika.

Dómurinn féll í gær.

Baldur vildi meina að ekki væri hægt að halda áfram rannsókn á meintum innherjasvikum hans þar sem Fjármálaeftirlitið hafði áður tilkynnt honum um að rannsókn væri lokið.

Í dómsorði segir:

„Talið var að heimilt hafi verið að binda ákvörðun FME um að hætta athugun á málinu þeim fyrirvara að athugun yrði fram haldið ef ný gögn eða upplýsingar kæmu fram í málinu, enda hafi sá fyrirvari verið í eðlilegu samræmi við ákvörðunina og það markmið með athuguninni að upplýsa málið til hlítar."

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið