Innlent

Biskup ræddi við Pétur Hafstein um sannleiksnefnd

Jón Hákon Halldórsson skrifar
Pétur Kr. Hafstein hefur verið beðinn um að kanna möguleikana á myndun sérstakar sannleiksnefndar.
Pétur Kr. Hafstein hefur verið beðinn um að kanna möguleikana á myndun sérstakar sannleiksnefndar.

Karl Sigurbjörnsson biskup fundaði i dag með Pétri Kr. Hafstein um að sá síðarnefndi taki að sér að kanna möguleika á skipun nefndar til þess að fara yfir mál Ólafs Skúlasonar heitins biskups. Tillögur að nefndinni eiga að vera tilbúnar fyrir næsta kirkjuþing sem haldið er síðar á árinu.

Málið snýst um ásakanir á hendur Ólafi um kynferðisbrot gegn nokkrum konum, þar á meðal dóttur hans. Dóttir hans lýsti reynslu sinni af samskiptum við föður sinn með Kirkjuráði fyrir fáeinum dögum. Eins og kunnugt er voru mál Ólafs einnig áberandi þegar þrjár konur lýstu kynferðislegu ofbeldi af hans hálfu fyrir fjórtán árum síðan.

Pétur Hafstein er fyrrverandi hæstaréttardómari en er nú forseti Kirkjuþings. Auk hans er forsætisnefnd Kirkjuþings skipuð þeim Margréti Björnsdóttur bæjarfulltrúa og Ásbirni Jónssyni lögmanni.


Tengdar fréttir

Biskup fundar með síra Geir

Karl Sigurbjörnsson, biskup Íslands, og síra Geir Waage, sóknarprestur í Reykholti, funda nú saman á Biskupsstofu. Biskup boðaði Geir til fundarins vegna blaðagreinar sem hann skrifaði um helgina. Þar sagði Geir að þagnaskylda presta gagnvart þeim sem skrifta væri alger.

Síra Geir hlýðir tilkynningaskyldu

Síra Geir Waage, prestur í Reykholti, mun hér eftir sem hingað til hlýða þeirri tilkynningaskyldu og samsvarandi ákvæðum sem kveðið er á um í siðareglum þjóðkirkjunnar. Þetta kemur fram í tilkynningu frá Biskupsstofu. Síra Geir fundaði með Karli Sigurbjörnssyni biskupi Íslands í morgun.

Ólafur Skúlason hlaut fálkaorðuna fjórum sinnum

Ólafur Skúlason, fyrrverandi biskup Íslands, hlaut fálkaorðuna fjórum sinnum á meðan að hann lifði. Orðustigin sem forseti Íslands veitir eru fimm og hlaut Ólafur þau öll nema æðsta stigið sem er keðja ásamt stórkrossstjörnu.

Biskup biðjist afsökunar

Séra Þórhallur Heimisson, sóknarprestur í Hafnarfjarðarkirkju, segir vaxandi stuðning meðal presta við að skipuð verði sannleiksnefnd til að rannsaka meint kynferðisbrot Ólafs Skúlasonar, fyrrverandi biskups. Hann segist skilja gremju almennings til Þjóðkirkjunnar sem telji að ekki sé verið að gera málin upp. Þórhallur vill að Karl Sigurbjörnsson, biskup, biðjist afsökunar fyrir hönd kirkjunnar.

Mest lesið


Fleiri fréttir

Sjá meira


×

Mest lesið