17 stiga hiti á Þingvöllum

Veðurbliða hefur verið nánast um land allt í dag og víða sést óvenju háar hitatölur, miðað við októbermánuð.

Þannig fór hitinn í 17 stig á Þingvöllum í dag, og tæplega 17 stig mældust á Eyrarbakka.

Norðanlands mældust einnig tæplega 17 gráður í Ásbyrgi en Vestfirðir eiga þó hitamet dagsins því hæstur komst hitinn á landinu í 17,2 gráður á Gemlufallsheiði milli Dýrafjarðar og Önundafjarðar, samkvæmt mælum Veðurstofunnar.

Í Reykjavík fór hitinn í tæpar 15 gráður. Nánast engin úrkoma hefur mælst á landinu og víðast hvar verið heiðskírt, nema suðaustanlands.