Kannabisfíklum fækkar á Vogi

Nýjar tölur frá sjúkrahúsinu Vogi sýna að kannabisfíklum sem þangað sækja fækkaði á síðasta ári miðað við árin á undan. Fækun í þessum hópi hefur mælst síðustu fjögur ár og það á einnig við um fólk yngra en 20 ára sem leggst inn á Vog. Nýir kannabisfíklar hafa raunar ekki verið færri í 11 ár.

Í frétt um málið á heimasíðu SÁÁ segir að á síðasta ári hafi hrunið hjálpað til auk þess sem góður árangur tollgæslunnar og fíkniefnalögreglunnar hafi hjálpað til að slá á framboð efnisins.

Þá sýna upplýsingar frá Rannsóknarstofu háskólans í lyfjafræði svo ekki verður um villst að styrkleiki kannabisefna hefur minnkað frá árinu 2004.