Hverfisgötufantar fengu níu mánaða dóm

Fjórir Lettar voru í dag dæmdir í níu mánaða fangelsi, þar af sex skilorðsbundna, fyrir fólskulega líkamsárás og innbrot haustið 2008. Mennirnir ruddust grímuklæddir inn í íbúðarhús við Hverfisgötu að kvöldi laugardags 25. október og réðust þar á fjóra samlanda sína. Þetta gerðu því þeir töldu sig eiga óuppgerðar sakir við einn þeirra sem staddur var í húsinu.

Ofbeldismennirnir, sem allir eru á þrítugsaldri og höfðu hreint sakavottorð, skipuðu mönnunum fjórum að leggjast í gólfið áður en þeir hófu að berja þá ítrekað með krepptum hnefum og billjardkjuðum víðsvegar um líkama, meðal annars í höfuð þeirra.

Tveir þeirra sem ráðist var á voru fluttir á slysadeild með áverka. Hinir tveir voru einnig með áverka. Mennirnir eru á aldrinum 27 til 49 ára. Einn þeirra fór á 400 þúsund krónur í skaðabætur en hann fékk dæmdar 300 þúsund krónur í bætur.