Ákærð fyrir að brjótast inn í lögreglubíl og slá löggu

Tvær konur hafa verið ákærðar af ríkissaksóknara fyrir að veitast að lögregluþjónum við skyldustörf.

Um er að ræða tvö aðskilin atvik en málin voru þingfest í Héraðsdómi Reykjavíkur í dag og í gær.

Önnur konan hefur verið ákærð fyrir brot á lögreglulögum í mars á síðasta ári þegar hún neitaði að hlýða fyrirmælum lögreglunnar um að yfirgera lögreglubifreið sem hún fór í heimildarleysi inn í.

Þegar hún var loksins komin út úr bílnum á hún að hafa brugðist ókvæða við og lamið í bringu lögregluþjónsins með krepptum hnefa.

Hin konan hefur verið á ákærð fyrir að hafa slegið lögregluþjón utanundir fyrir utan skemmtistaðinn Vegamót í apríl á síðasta ári.

Báðar konurnar neita sök.