Metfjöldi brautskráðra úr framhaldsskóla

Alls brautskráðust 5.689 nemendur af framhaldsskólastigi með 6.404 próf skólaárið 2008-2009. Þetta er fjölgun um 150 nemendur frá fyrra ári, eða 2,7%.

Aldrei áður hafa svo margir nemendur útskrifast af framhaldsskólastigi á einu skólaári síðan Hagstofa Íslands hóf að safna gögnum um þetta árið 1995. Skýringin er meðal annars sú að stórir árgangar eru að fara í gegnum framhaldsskólann.

Stúlkur voru nokkru fleiri en piltar meðal brautskráðra eða 52,9% nemenda. Það er samt nokkru lægra hlutfall stúlkna en síðustu tvö ár.