Á fjórða hundrað manns mótmæla á Austurvelli

Nokkur hundruð manns eru mætt á mótmæli á Austurvelli en það eru samtökin Nýtt Ísland sem halda þau. Meðal annars var farið heim til bankastjóra stærstu bankanna í morgun og þeir vaktir.

Samtökin gagnrýna stjórnvöld fyrir aðgerðarleysi vegna stöðu heimilanna. Þá vilja þau einnig meina að fjármálastofnanir og bankar komu fjármagnseigendum til bjargar á sama tíma og heimilin og einstaklingar sitja í skuldasúpunni að þeirra sögn.

Áætlað er að á milli þrjú og fjögurhundruð manns séu á mótmælunum. Þar má meðal annars sjá þingmann Hreyfingarinnar, Birgittu Jónsdóttur.