Ekið á hross við Hrepphóla

Ekið var á hest á þjóðveginum við Hrepphóla í uppsveitum Árnessýslu undir morgun. Ökumaðurinn, sem slapp ómeiddur, óskaði eftir aðstoð lögreglunnar á Selfossi, þar sem hesturinn var mikið slasaður.

Á leiðinni á vettvang munaði aðeins hársbreidd að lögreglubíllinn lenti inn í hrossastóði á þjóðveginum á Skeiðum.

Lögrelgumenn smöluðu hrossunum heim að næsta bæ og héldu áfram á slysstaðinn, en hrossið reyndist svo alvarlega slasað að ákveðið var að aflífa það. Bíllinn, sem ók á það er töluvert skemmdur.