Lampard með vírus og verður ekki með Chelsea á móti Wolves

Frank Lampard getur ekki spilað með Chelsea þegar liðið sækir Wolves heim í ensku úrvalsdeildinni klukkan 15.00 í dag. Lampard er veikur og bætist í hóp góðra leikmanna sem verða ekki með toppliðinu í dag.

Miðvörðurinn Alex er meiddur á hné og verður ekki með Chelsea ekki frekar en Ashley Cole [ökkli], Michael Essien [hné], José Bosingwa [hné], Juliano Belletti [hné] og Deco [hné].

Veikindi Franks Lampard eru samt ekki það alvarleg að það er búist við því að hann fari með liðinu til Ítalíu þar sem Chelsea mætir Internazionale í 16 liða úrslitum Meistaradeildarinnar í næstu viku.