Um þúsund manns á Austurvelli

Um þúsund hundruð manns eru nú samankomnir á Austurvelli, margir með kröfuspjald í hönd þar sem vakin er athygli á bágum kjörum fólksins í landinu.

Ólafur Ragnar Grímsson, forseti Íslands, setur Alþingi klukkan 14.10. Hugvekja í Dómkirkjunni er í þann mund að hefjast þar sem búist er við að flestir þingmenn komi saman áður en þing hefst. Þingmönnum hefur einnig verið boðið að vera viðstaddir hugvekju á vegum Siðmenntar á Hótel Borg.

Búist er við að enn fjölgi á Austurvelli þegar nær líður.

Bein útsending er frá Austurvelli hér á Visir.is. Smelltu hér til að sjá útsendinguna