Frestur taki gildi um leið og óskað er greiðsluaðlögunar

Ríkisstjórnin afgreiddi í morgun frumvarp félagsmálaráherra um að greiðslufrestur taki gildi um leið og óskað er eftir greiðsluaðlögun hjá umboðsmanni skuldara.

Á bilinu 50 til 60 manns mótmæltu fyrir framan stjórnarráðshúsið í morgun á meðan ríkisstjórnin fundaði. Fólkið blés í lúðra og barði tunnur.

Ríkisstjórnin vinnur nú að því að finna leiðir til að taka á skuldavanda heimilanna. Fram kom í máli forsætisráðherra í morgun að það valdi vonbrigðum hversu fáir hafa nýtt sér greiðsluaðlögun.

Þá afgreiddi ríkisstjórnin í morgun frumvarp félagsmálaráðehrra sem gerir ráð fyrir því að greiðslufrestur hefjist um leið og umsókn um greiðsluaðlögun er lögð fram. Áður þurfti þó að samþykkja umsóknina.