Skutlar fólkinu heim í kojuna

„Þetta er nú aðallega vinna um helgar,“ segir Jóhann Unnar Guðmundsson, sem fengið hefur jákvæða umsögn hreppsnefndar Hrunamannahrepps um starfsemi leigubílaþjónustu í hreppnum.

Mikil sumarhúsabyggð er í kringum Flúðir. Jóhann segir marga viðskiptavini vera úr hópi gesta þar. „Ef fólk fer út að borða eða skemmta sér er gott að geta boðið því upp á akstur heim í koju í stað þess að það sé að freistast til að keyra drukkið,“ bendir hann á. Hreppsnefndin lýsti yfir ánægju með framtakið. Enda sé full þörf á slíkri þjónustu í hreppnum.- gar