Svipuðust um eftir ísbjörnum fyrir Jón Gnarr

Fyrir skömmu flutti varðskipið TÝR þyrlu fyrir BlueWest Helicopters, eða Vesturflug, frá Ísafjarðardjúpi að ísröndinni fyrir utan Scoresbysund. „Svipast var um eftir ísbjörnum á svæðinu, með verðandi borgarstjóra í huga, en án árangurs," segir í tilkynningu frá Gæslunni.

Aðeins er fært fyrir skip að ströndinni á þessum slóðum í um tvo mánuði á ári frá miðjum júli fram í miðjan septenber. „Í þetta sinn var næst komist ströndinni inn á flóa í ísnum í 90 sjómílna fjarlægð austur af Scoresbysundi."

Þaðan flaug þyrlan frá varðskipinu til Constable Point en hún mun verða í þjónustu á Grænlandi vegna rannsókna við fyrirhugaða námuvinnslu.