Morðrannsókn: Niðurstöður úr DNA rannsókn komnar

Fyrstu bráðabirgðaniðurstöður úr DNA rannsókn á morðinu í Háabergi þann 15. ágúst síðastliðinn eru komnar til landsins frá Svíþjóð.

Samkvæmt upplýsingum frá Friðriki Smára Björgvinssyni, yfirlögregluþjóni hjá rannsóknardeild lögreglunnar á höfuðborgarsvæðinu, er um að ræða rannsókn á lífssýnum sem tekin voru á vettvangi morðsins. Friðrik segist engar upplýsingar geta gefið um það á þessari stundu hverjar niðurstöður rannsóknarinnar eru.

Friðrik segir að skýrslutökur og yfirheyrslur séu enn í gangi. Hann vill ekki gefa neitt upp um það hvað hefur komið fram í yfirheyrslum.