Jóhanna: Samráð verði haft við stofnanir um niðurskurð

Jóhanna Sigurðardóttir segir að verið sé að leita samráðs við heilbrigðisstofnanir úti á landi hvort hægt sé að finna lausn á málefnum stofnananna en mikill niðurskurður er fyrirhugaður í flestum landshlutum, samvkæmt nýju fjárlagafrumvarpi.

„Við skulum sjá hver niðurstaðan verður," segir Jóhanna. „Ég treysti heilbrigðisráðherra mjög vel til eþss að finna viðeigandi lausn fyrir alla aðila í þessu máli."

Jóhanna segir einnig að verið sé að meta hvort það hafi verið gengið of langt í þessum niðurskurði, „vegna þess að við verðum að geta haldið uppi lögbundinni heilbrigðisþjónustu. Það er skylda okkar að gera það. Ef það kemur í ljós að þar er hætta á ferðum þá hljótum við að endurmeta ýmsa þætti," segir forsætisráðherra.