Frank Hvam segir Jón Gnarr halda óvanalega langar ræður

Nokkrir af þekktustu grínurum Norðurlandanna verða með uppistand á kvöldstund með Frímanni Gunnarssyni. Meðal þeirra sem fram koma eru borgarstjóri Reykjavíkur og hinn danski Frank Hvam sem segir Jón Gnarr bera titilinn með rentu þar sem hann sé farinn að halda óvenju langar ræður. Guðný Helga kíkti í Háskólabíó þar sem undirbúningur var í hámarki.

Allir grínararnir sem koma fram í kvöld tóku þátt í gerð þáttanna Mér er gamanmál með Frímanni Gunnarssyni. Frank, sem þekktastur er fyrir að hafa gert þættina Klovn, hefur margoft komið til Íslands áður en þá í öðrum erindagjörðum en að vera með uppistand.

„Ég hef verið ferðamaður eins og allir aðrir. Það er bara orðið of dýrt til að maður geti verið ferðamaður á Íslandi, sérstaklega miðar í Bláa Lónið. Ég er því hérna til að vinna núna í staðinn, með uppistand," segir Frank.

Það verður á ensku?

„Já, það er alveg hræðilegt."

Ertu líka skemmtilegur á ensku?

„Nei, ég er mjög lélegur í ensku. Ég er fertugur og ég tala bara eitt tungumál.

Talarðu ensku með miklum dönskum hreim?

„Já."

Hefurðu verið uppistand með borgarstjóra áður?

„Nei, aldrei," segir Frank og bætir við: - „Hann tekur alltaf orðið, heldur lengri ræður en við hinir. Segir t.d. það er nú gott að þið komuð og velkomnir til Íslands og svona hluti. Hann borgarstjóratitilinn á sér."