Akstur Strætó 17. júní samkvæmt laugardagsáætlun

Akstur allra leiða Strætó bs. á þjóðhátíðardaginn 17. júní verður samkvæmt laugardagsáætlun. Á ákveðnum leiðum verður ekið lengur fram á kvöld auk þess sem á sömu leiðum verður akstur tíðari eftir kvöldmat en hefðbundið er samkvæmt laugardagsáætlun. Vegna lokana í miðbæ verður akstursleiðum jafnframt breytt á því svæði, segir í tilkynningu.

Á leiðum 1, 2, 3, 4, 5, 6, 11, 12, 13, 14, 15, 18, 19 og 28 mun hálftíma tíðnin halda áfram eftir kvöldmat og munu vagnar á þeim leiðum aka lengur en hefðbundið er samkvæmt áætlun. Síðustu ferðir frá Hlemmi og miðbænum verða farnar fljótlega eftir miðnætti.

Bæði Hverfisgata og Lækjargata verða lokaðar fyrir umferð á 17. júní og því breytist akstur strætó um miðbæinn töluvert. Biðstöðvar á svæðum þar sem akstur verður bannaður verða merktar óvirkar.

Tímabundin biðstöð verður sett upp við Geirsgötu, gegnt Kalkofnsvegi. Farþegar eru hvattir til að sækja ítarlegar upplýsingar um miðbæjarakstur strætó á 17. júní á www.strætó.is.

Akstursleiðir að og frá Hlemmi og miðbæ:

Kl.07:00 til kl.18:00

Leiðir 1,3, 6, 11, 12 og 13 sem aka frá Hlemmi í vestur: Snorrabraut - Sæbraut - Geirsgata - Mýrargata - Ánanaust - Hringbraut.

Að Hlemmi aka sömu leiðir: Hringbraut - Ánanaust - Mýrargata - Ægisgata - Geirsgata - Sæbraut - Snorrabraut.

Leið 14 ekur að og frá Granda um eftirtaldar götur: Ánanaust, Hringbraut, Snorrabraut, Hlemmur.

Kl. 18:00 til kl. 00:30

Leiðir 1,3, 6, 11, 12, 13 og 14 aka frá Hlemmi suður Snorrabraut - Hringbraut - Sóleyjargötu - Fríkirkjuveg - Vonarstræti - Suðurgötu.

Að Hlemmi aka sömu leiðir Hringbraut - Suðurgötu - Skothúsveg - Sóleyjargötu - Hringbraut - Snorrabraut.