Samkomulag milli Haga og kjötbirgja í gildi áratugum saman

Stjórn Haga segir að það vinnufyrirkomulag sem verið hefur í gildi milli smásala og kjötbirgja, og fyrirtækið hefur nú samþykkt að greiða 270 milljóna króna sekt vegna, hafi verið viðhaft áratugum saman.

Í tilkynningu sem stjórn Haga sendi frá sér í kjölfar frétta um brot fyrirtækisins á samkeppnislögum segir að enginn ásetningur hafi verið af hálfu Haga til að brjóta lög. Þar segir ennfremur að umrætt samráð milli Haga og kjötbirgja hafi ekki leitt til hækkunar á vöruverði til neytenda. Hagar segja mikilvægt að skýrar reglur gildi um samskipti birgja og smásala og hafa því sambandi óskað eftir leiðbeiningum frá Samkeppniseftirlitinu um verðmerkingar á öðrum vörum.