Vonskuveður á Vestfjörðum

Slæmt ferðaveður er á Vestfjörðum og biður Vegagerðin vegfarendur um að kynna sér vel ástand á þeim leiðum sem þeir hyggjast fara.

Það er stórhríð og þungfært á Súðarvíkurhlíð og á Steingrímsfjarðarheiði, þungfært í í Djúpinu og beðið er með mokstur. Óveður og þæfingsfærð um Þröskulda. Óveður er um Ódrjúgsháls, ófært er um Klettsháls. Þungfært er um Dynjandisheiði og ófært er um Hrafnseyrarheiði. Hálka eða snjóþekja er á láglendi.

Færð er betri annarsstaðar þó víða sé hálka. Hálkublettir eru á Hellisheiði og víða á Suðurlandi. Á Vesturlandi er hálka og éljagangur á Bröttubrekku, hálkublettir og stórhríð á Holtavörðuheiði. Óveður er í Staðarsveit. Hálkublettir eru Vatnaleiði og á norðanverðu Snæfellsnesi. Á Norðurlandi er víðast hvar skafrenningur, hálka, éljagangur og snjóþekja,

Fært milli Ólafsfjarðar og Dalvíkur

Á Norðausturlandi eystra er orðið fært á milli Ólafsfjarðar og Dalvíkur en vegfarendur eru beðnir um að aka með gát vegna snjóflóðahættu. Hálka, éljagangur, snjóþekja og snjókoma er víðast hvar.

Á Austurlandi er hálka á Jökuldal og Fjarðarheiði en snjóþekja eða hálkublettir eru á flestum öðrum leiðum. Á Suðausturlandi eru vegir greiðfærir.