Breiðleiti þjófurinn með gisnu tennurnar fundinn

Ungur maður hefur viðurkennt innbrot í Gesthús og Kaffi krús um helgina. Lögreglumönnum sem áttu samskipti við manninn á sunnudag fannst útlit mannsins svipa til lýsingar sem vitni gaf af manni sást við Gesthús á laugardagsmorgun.

Á heimili mannsins fannst áfengi sem hann gat ekki gert grein fyrir. Við húsleit fundust fjórar kannabisplöntur í ræktun. Maðurinn viðurkenndi þessi brot og að auki að hafa brotist inn í Kaffi Krús aðfaranótt sunnudags og stolið þaðan áfengi.

Það var á laugardaginn sem innbrotið var framið. Eftir það lýsti lögreglan eftir nnbrotsþjófnum og sagði hann meðal annars vera breiðleitan, sennilega burstaklipptan og með gisnar tennur.