Styttist í samkomulag

Hollenska fyrirtækið ECA Programs bíður enn ákvarðana íslenskra stjórnvalda um hvort fyrirtækinu verði leyft að skrá herþotur hér á landi. Fram kemur á vef Financial Times í kvöld að ekki sé langt í að stjórnvöld veiti fyrirtækinu leyfi til að starfa á Keflavíkurflugvelli. Til stendur þó að setja fyrirvara við samkomulagið og þá er fullyrt í fréttinni að málið verði fyrst borið undir bandaþjóðir Íslands í Atlantshafsbandalaginu.

Hollenska fyrirtækið áformar að leigja umræddar herþotur til heræfinga þar sem þær myndu að öllum líkindum gegn hlutverki óvinavéla í heræfingum NATO-ríkja og bandamanna þeirra. Um umfangsmikið verkefni er að ræða og hefur áður verið greint frá því að ECA Programs ætli að fjárfesta fyrir tugi milljarða hér á landi gangi allt eftir.

Í frétt Financial Times er haft eftir Melville ten Cate, sem er einn af stofnendum fyrirtækisins, að ECA hafi hug á að kaupa herþotur frá Hvíta-Rússlandi fyrir 1,5 milljarða dollara og koma þeim fyrir á Keflavíkurflugvelli.