Kenndi Slash á gítar

Ronnie Wood, gítarleikari Rolling Stones, segist hafa kennt Slash að spila á gítar. „Ég man eftir Slash þegar hann var lítill strákur. Þá njósnaði hann um mig þegar ég var að spila á gítar og ég kenndi honum lítil gítarstef,“ sagði Wood.

Slash bjó á Englandi, heimalandi Woods, þar til hann var ellefu ára og fluttist hann þá til Bandaríkjanna. Wood er hrifinn af gítarleik Slashs, sem sló í gegn í Guns N"Roses. „Slash er mjög hæfileikaríkur. Það er frábært að spila með honum og hann er góður spunagítarleikari,“ sagði hann.