Íslendingar treysta ekki Alþingi

Traust til ríkistjórnarinnar, bankakerfisins, Alþjóða gjaldeyrissjóðsins (AGS) og Alþingis minnkar verulega samkvæmt könnun MMR.

Þeim fækkar um 43% sem segjast bera mikið traust til ríkisstjórnarinnar, úr 19,3% í maí 2010 í 10,9% nú. Alls segjast 73, 5 % vantreysta Alþingi.

Litlu fleiri segjast vantreysta ríkisstjórninni, eða 75.3%.

AGS nýtur aðeins 6, 8 % trausts en 68,3 % vantreystir sjóðnum.

Lögreglan er sú stofnun sem nýtur mests trausts hér á landi. Alls segjast 80,9% landsmanna treysta lögreglunni vel. Aðeins 6,7% vantreysta lögreglunni.

Fjölmiðlum er líka vantreyst, en alls segja 48,3 % vantreysta fjölmiðlum.

Hér er hægt að skoða niðurstöður könnunarinnar.

Spurt var: Hversu mikið eða lítið traust berð þú til eftirfarandi aðila. Svarmöguleikar voru: Mjög lítið traust, frekar lítið traust, hvorki mikið né lítið traust, frekar mikið traust, mjög mikið traust og veit ekki/vil ekki svara.

Niðurstöður sýna fjölda þeirra sem svöruðu annað hvort mjög/frekar mikið eða lítið traust. Samtals tóku 99,6% afstöðu til spurningarinnar.