Innlent

Tap í apríl 1,5 milljarðar króna

Erlendir gestir glugga í ferðamannabækling.  fréttablaðið/gva
Erlendir gestir glugga í ferðamannabækling. fréttablaðið/gva

Talið er að ferðaþjónustan hafi orðið af einum og hálfum milljarði króna í apríl vegna áhrifa eldgossins í Eyjafjallajökli á flug. Tölur fyrir maímánuð liggja ekki fyrir.

Samkvæmt upplýsingum frá Samtökum ferðaþjónustunnar komu um fimm þúsund færri ferðamenn til landsins í aprílmánuði en búist var við. Miðað er við að tekjur þjóðarbúsins af hverjum ferðamanni séu um 300 þúsund krónur. Inni í þeirri fjárhæð er flugfar, gisting, afþreying, matur og önnur eyðsla ferðamanna.

Þegar tölur um fjölda ferðamanna í maí liggja fyrir verður hægt að meta heildartap greinarinnar. Þess er jafnframt að vænta að fljótlega í júní verði komið á daginn hvaða áhrif gosið mun hafa á ferðamannastrauminn fram á haust. Sameiginlegt markaðsátak ferðaþjónustunnar og stjórnvalda hefur þá staðið um hríð.

Fram kom í Fréttablaðinu í gær að flugfélögin Icelandair, Iceland Express og Flugfélag Íslands urðu samtals af einum til 1,3 milljörðum króna vegna raskana á flugi af völdum eldgossins í Eyjafjallajökli.- bþs



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×