Land Cruiser jeppi Árna Johnsen fór fimm veltur

Árni Johnsen var fluttur á spítala í gær eftir að Land Cruiser bifreið hans fór fimm veltur við Litlu kaffistofuna. Árni segist hafa sloppið óbrotinn úr óhappinu en lemstraður.

Fram kemur á fréttavefnum Pressunni að Árni hafi verið á leið frá Hvolsvelli þegar óhappið átti sér stað. Hann segir að hálka hafi valdið því hvernig fór.

Árni er enn á spítala en býst við því að hann fái að fara heim fljótlega. Hann segir í samtali við Vísi að það hafi skipt öllu máli að hann hafi verið í bílbelti.

Hann segist hafa fengið aðstoð um leið og óhappið varð. „Já, já, það var bara bíllinn sem kom á móti mér. Hann stoppaði," segir Árni í samtali við Vísi. Í bifreiðinni hafi verið læknir sem hafi getað aðstoðað hann en svo hafi hann einnig fengið aðstoð frá tveimur hjúkrunarfræðingum.

Árni segir að Land Cruiser bifreiðin sé ónýt