Dexter strax kominn með nýja kærustu

Leikarinn Michael C. Hall, sem hefur slegið í gegn í hlutverki Dexters í samnnefndum sjónvarpsþáttum, tilkynnti nýverið að hann og eiginkona hans, Jennifer Carpenter sem leikur systur Dexters, væru skilin.

Samkvæmt nýjum fréttum mun ástæða skilnaðarins vera innilegt samband Halls við aðra mótleikkonu sína, Juliu Stiles. „Í nýju þáttaröðinni leika Michael og Julia par. Það var greinilegt að það neistaði á milli þeirra alveg frá upphafi. Allir á tökustað urðu varir við það," var haft eftir innanbúðarmanni. Hall og Stiles eiga einnig að hafa eytt hrekkjavökunni saman í New York.

„Þau mættu saman í veislu sem haldin var af sameiginlegum vini. Þau voru mjög innileg og það kemur engum á óvart að hjónaband Michaels hafi endað með skilnaði."