Safnað fyrir fjölskyldu meints fjársvikamanns

Forsvarsmenn Hvítasunnusafnaðanna á Íslandi eru búnir að kæra fyrrverandi framkvæmdastjóra Hvítasunnusafnaðanna til lögreglu. Eins og greint var frá í kvöldfréttum Stöðvar 2 þann 11. október síðastliðinn hefur maðurinn játað að hafa dregið sér 25 milljónir króna. Þá var greint frá því að Hvítasunnukirkjan hyggðist krefjast bóta af framkvæmdastjóranum vegna fjárdráttarins.

Farið var yfir málin á safnaðarfundi í Fíladelfíu þegar að málið var gert opinbert og samkvæmt heimildum sem Vísir hefur úr kirkjunni var ákveðið á sama tíma að efna til samskota fyrir fjölskyldu framkvæmdastjórans sem á um sárt að binda vegna málsins.

Ekki er um eiginlega fjársöfnun að ræða, heldur samskot sem voru tekin einu sinni.