Glansmyndir og afneitun á Alþingi

Þingmaður Sjálfstæðisflokksins segir að ríkisstjórnin dragi upp ótrúlega glansmynd af stöðu efnahagsmála en forsætisráðherra segir að stjórnarandstaðan vilji ekki sjá ljósið.

Einar K. Guðfinnson, sjálfstæðisflokki, fór í pontu í óundirbúnum fyrirspurnatíma á Alþingi í morgun og benti á nýjar bráðabirgðatölur Hagstofunnar sem birtar voru í morgun. Þar kom fram að landsframleiðsa hafi dregist saman um 3,1% að raungildi frá 1. ársfjórðungi til 2. ársfjórðungs. Einar sagði að þessar tölur sýni að verkleysi núverandi ríkisstjórnar sé að koma í ljós og að með málflutningi sínum við upphap þingfundar í gær hafi forsætisráðherra og fjármálaráðherra dregið upp ótrúlega glandsmynd sem lítið eigi skylt við raunveruleikann.