Syntu fullir yfir Hvítá

Þrír ungir menn syntu ölvaðir yfir Hvítá í Árnessýslu á fjórða tímanum í nótt. Þeir höfðu verið að skemmta sér á tjaldstæðinu í Laugarási þegar tóku þá ákvörðun að frá sér sundsprett. Félagar þeirra tóku að ókyrrast og höfðu samband við lögreguna á Selfossi sem ræsti út auka mannskap og björgunarsveitarmenn. Útkallið var afturkallað tæpum hálftíma síðar þegar mennirnir komu í leitirnar. Þeir höfðu þá synt yfir í Hrunamannahrepp skammt frá bænum Auðsholti og gengið til baka með fram ánni. Að sögn lögreglu voru mennirnir blautir og kaldir en að öðru leyti varð þeim ekki meint af.