Spaugstofan heldur blaðamannafund í Þjóðmenningarhúsinu

Spaugstofan hefur boðað til blaðmannafundar klukkan tvö í dag. Athygli vekur að fundurinn fer fram í ÞJóðmenningarhúsinu við Hverfisgötu, en þar hefur ríkisstjórnin oft haldið blaðamannafundi eftir bankahrun.

Í tilkynningu frá Spaugstofunni segir reyndar orðrétt: Fundurinn verður með formlegu sniði og fer eðli málsins samkvæmt fram í Þjóðmenningarhúsinu við Hverfisgötu.

Ekki er vitað um efni fundarins. Líklega verður þar tilkynnt hvort Spaugstofan muni framlengja líf sitt á annarri stjónvarpsstöð en eins og landsfrægt er orðið þá verður þátturinn ekki á RÚV í vetur vegna sparnaðaraðgerða.